ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᖅᑐᑦ

 

 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

 

ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᖅᑐᑦ

 

ᓰᑏᐱᕆ 9, 2016 (ᐃᖃᓗᐃᑦ, ᓄᓇᕗᑦ) − ᓄᓇᓕᐸᐅᔭᒃᑯᑦ ᐃᖃᓗᓐᓂ ᓴᓂᐸᐅᔭᐅᑎᓂᑦ ᓄᐊᑦᓯᑲᓐᓂᓛᓕᕐᒥᔪᑦ, ᐅᖁᒪᐃᓐᓂᓕᓐᓂᑦ ᐅᖓᑖᓂ 50 ᐸᐅᓐᔅ, ᐅᕝᕙᓘᓐᓃᑦ ᕿᓂᖅᑕᒧᑦ ᕿᓂᖅᑕᓄᑦ ᕿᓪᓚᔪᑭᐊᓄᑦ ᐴᕈᓐᓇᖏᑉᐸᑕ ᐊᖏᓗᐊᒧᑦ.  ᐊᑐᓂ ᐊᖏᕐᕋᓂᑦ ᐱᖓᓱᓂᑦ ᓄᐊᑦᓯᔪᓐᓇᓛᖅᑐᑦ ᓴᓂᐸᐅᔭᓂᑦ, ᐊᒻᒪ ᒪᕐᕉᓐᓂᒃ ᖁᐊᒃᑯᕕᒥᓂᕐᒥᒃ, ᐃᒐᒥᓂᕐᒥᒃ ᐅᐊᓴᕐᕕᒥᓂᕐᒥᓘᓐᓃᑦ ᐸᓂᕐᓯᕕᒥᓂᕐᒥᓘᓐᓃᑦ ᓵᒥᓂᕐᓂᓘᓐᓃᑦ ᓇᓪᓕᑐᐃᓐᓇᖏᑦ ᒪᕐᕉᓚᐅᑐᐊᖅᐸᑎᒃ ᓴᓂᐸᐅᔮᒃ.

 

ᐅᓪᓗᕐᒥᑦ ᐊᑕᐅᓯᕐᒥᑦ ᑭᓯᐊᓂ ᐃᓪᓗᓂᑦ ᖃᓂᒌᓂᑦ ᓄᐊᑦᓯᖃᑦᑕᓛᖅᑐᑦ. ᐅᓪᓗᕐᓯᐅᑎᓕᐅᕐᓯᒪᔪᑦ ᖃᖓᒃᑯᑦ ᓄᐊᑦᓯᖃᑦᑕᓛᕐᒪᖔᑕ ᐃᓕᑦᓯᑦ ᓴᓂᐊᓂᑦ.  ᐊᒻᒪᑦᑕᐅᖅ, ᖃᐅᔨᒪᓛᖅᑯᓯ ᓄᐊᑦᓯᓕᖅᐸᑕ, ᓄᐊᑦᓯᖃᑦᑕᓛᕐᒪᑕ ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥ ᐅᓐᓄᓴᒧᑦ 4-ᒧᓄᑦ.  ᓱᓇᒃᑯᑖᒥᓃᑦ ᓄᐊᑕᐅᑐᐃᓐᓇᕆᐊᓖᑦ ᐊᓯᖏᓐᓄᑦ, ᐅᓐᓄᓴᒃᑯᖅᑲᐃ ᐅᓪᓗᖓᓂ ᓄᐊᑦᓯᕕᐅᑎᓪᓗᓯ.

 

ᐅᓪᓛᒃᑯᑦ 8-ᒨᓚᐅᖏᓐᓂᖓᓂ ᓴᓂᓯ ᓴᓂᒃᑯᕕᑦᓯ ᓴᓂᐊᓅᕆᐊᓖᑦ.  ᓱᓇᑐᐃᓐᓇᐃᑦ ᓴᓂᐅᖕᖏᑦᑐᑦ ᓴᓂᒃᑯᕕᐅᑉ ᓴᓂᐊᓂᑦ ᓅᑕᐅᒋᐊᖃᓛᖅᑐᑦ (ᓲᕐᓗ ᐸᐃᓯᑯᐃᑦ, ᐱᖕᖑᐊᓪᓗ) ᐃᒋᑕᐅᖃᓯᐅᑎᓛᖏᒻᒪᑕ.  ᓴᓃᑦ ᑲᑎᕐᓱᕐᓯᒪᒋᐊᓖᑦ, ᖁᓕᕇᖏᓪᓗᑎᒃ, ᐊᒻᒪ ᓴᓂᑐᐃᓐᓇᕐᓃᖏᓪᓗᑎᒃ.  ᓄᐊᑕᐅᓛᖅᑐᑦ ᓴᓃᑦ ᐊᑦᓯᕕᒻᒨᖃᖅᑕᐅᓛᖅᑐᑦ.

 

ᖃᐅᔨᒪᓂᐊᖅᑯᓯ ᑮᓇᐅᔭᓕᐅᖅᑏᑦ ᓴᓂᐸᐅᔭᐅᑎᖏᑦ ᓄᐊᑕᐅᓛᖏᒻᒪᑕ (ᓲᕐᓗ ᓄᓇᓕᓐᓂ ᐃᓄᒋᐊᕝᕕᖏᓐᓃᑦᑐᑦ, ᑰᓕᐊᕆᐊᒦᑦᑐᑦ, ᐊᒻᒪ ᖃᖅᑲᓕᐊᕆᐊᒥ).

 

ᐅᓪᓗᕐᓯᐅᑏᑦ ᓴᓂᐸᐅᔭᐅᑎᓂᑦ ᓄᐊᑦᓯᕕᐅᓛᖅᑐᑦ

 

ᑕᓪᓕᕐᒥᖅ ᓰᑏᐱᕆ 16 - ᐃᖃᓗᐃᑦ ᓄᓇᑐᖃᖓ (ᐃᓪᓗᓖᑦ 100-ᓂᑦ, 200-ᓂᑦ, 300-ᓂᑦ ᓈᓴᐅᑎᖏᒍᑦ)

ᑕᓪᓕᕐᒥᖅ ᓰᑏᐱᕆ 23 - ᐊᓪᓕᐹᕐᒥᐅᑕᐃᑦ ᐊᒻᒪ ᐃᓄᒋᐊᕝᕕᖓᓂ (600, 700, 800, 1000, ᐊᒻᒪ 1400)

ᑕᓪᓕᕐᒥᖅ ᓰᑏᐱᕆ 30 - ᕼᐋᐱ ᕚᓕ (400, 500, 1600)

ᑕᓪᓕᕐᒥᖅ ᐋᑦᑑᐸ 7 - ᑕᓐᑐᕋ ᕚᓕ (2400, 2500)

ᑕᓪᓕᕐᒥᖅ ᐋᑦᑑᐸ 14 - ᓂᐊᖁᖕᖒᓯᐊᕆᐊᖅ ᖁᑦᓯᓂᕐᓴᒦᑦᑐᑦ (2200, 2600, 2700)

ᑕᓪᓕᕐᒥᖅ ᐋᑦᑑᐸ 2 - ᑕᓯᓗᓕᐊᕆᐊᒦᑦᑐᑦ ᐊᒻᒪ ᐃᒥᖅᑕᕐᕕᒥᓂᐅᑉ ᐊᕙᓗᐊᓂ (4000)

ᑕᓪᓕᕐᒥᖅ ᐋᑦᑑᐸ 28 - ᓂᐊᖁᖕᖒᑏᑦ (3000)

ᑕᓪᓕᕐᒥᖅ ᓅᕖᐱᕆ 4 - ᓯᓚᑦᑐᓴᕐᕕᐅᑉ ᐅᖓᑖᓃᑦᑐᑦ (5000)

 

ᐅᐸᓗᖓᐃᔭᐅᑏᑦ ᓴᓂᐸᐅᔭᐅᑎᓂᑦ ᓄᐊᑦᓯᓂᐅᓛᖅᑐᒧᑦ, ᐅᑯᐊ ᖃᐅᔨᒪᒋᐊᓖᑦ ᐊᑐᐊᒐᐃᑦ:

 

ᐅᑯᐊ ᐃᓱᒪᒋᔭᐅᓛᖅᑐᑦ ᓴᓂᐸᐅᔭᐅᓂᖏᓐᓂᑦ (ᐱᖓᓱᓂᑦ ᓄᐊᑦᓯᕕᐅᔪᓐᓇᓛᖅᑐᑦ ᐊᖏᕐᕋᓖᑦ)

 

ᐊᖏᕐᕋᒥᐅᑕᒥᓃᑦ ᐅᖁᒪᐃᓐᓂᓖᑦ 50 ᐸᐅᓐᔅ ᐅᖓᑖᓂ, ᐅᕝᕙᓘᓐᓃᑦ ᐊᖏᓗᐊᖅᑐᑦ ᕿᓪᓚᔪᑭᐊᓅᕆᐊᖏᓐᓄᑦ ᓴᓂᒃᑯᕕᓐᓄᑦ ᒪᑯᐊ:

• ᐃᑦᓯᕙᐅᑕᑯᑖᒥᓃᑦ, ᐃᑦᓯᕙᐅᑕᒥᓃᑦ, ᓵᒥᓃᑦ, ᐊᓪᓕᓂᒥᓃᑦ, ᐊᓯᖏᓪᓗ)

• ᓇᑎᒥᓃᑦ (ᒥᖅᑯᓖᑦ, ᐊᓪᓕᕋᐃᑦ, ᐊᒻᒪ ᓵᑦᑐᑦ ᓇᑏᑦ), ᐃᒧᓯᒪᓗᒋᑦ 1.7 ᒦᑕᐅᓗᑎᒃ ᑐᑭᒧᑦ 1 ᒦᑕ ᓴᓂᒧᑦ (5 ᕖᑦ ᑐᑭᒧᑦ 3 ᕖᑦ ᓴᓂᒧᑦ) (ᐊᑕᐅᓯᖅ ᐃᒧᓯᒪᔪᖅ ᓴᓂᐸᐅᔭᐅᔪᖅ)

• ᖁᕝᕕᒥᓃᑦ ᐊᒻᒪ ᓱᓪᓗᓕᒥᓃᑦ

• ᐃᒐᓛᒥᓃᑦ ᐊᒻᒪ ᑕᕐᕋᖅᑐᑎᒥᓃᑦ

 

ᐊᒻᒪ ᒪᕐᕉᓐᓂᒃ ᐊᖏᔫᓐᓂᒃ ᓱᓇᒃᑯᑖᒥᓃᓐᓂᒃ (ᓲᕐᓗ, ᖁᐊᒃᑯᕕᒥᓂᕐᒥᒃ, ᐃᒐᒥᓂᕐᒥᒃ ᐅᐊᓴᕐᕕᒥᓂᕐᒥᓘᓐᓃᑦ ᐸᓂᕐᓯᕕᒥᓂᕐᒥᓘᓐᓃᑦ ᓇᓪᓕᑐᐃᓐᓇᖏᑦ ᒪᕐᕉᓚᐅᑐᐊᖅᐸᑎᒃ ᓴᓂᐸᐅᔮᒃ).

 

ᐅᑯᐊ ᓴᓃᑦ ᓄᐊᑕᐅᓛᖏᑦᑐᑦ, ᐊᒻᒪ ᓇᒻᒥᓂᖅ ᐊᑦᓯᕕᒻᒨᕈᔾᔭᐅᔪᓐᓇᐸᑦᑐᑦ ᒪᑐᐃᖓᑎᓪᓗᒍ.

• ᓄᐊᓯᒪᔪᑦ ᓴᓃᑦ ᐊᔾᔨᒌᖏᑦᑐᑦ

• ᐃᓪᓗᓕᐅᕈᑎᒥᓃᑦ ᐊᒻᒪ ᐃᓪᓗᒥᓃᑦ ᓴᓂᖏᓪᓗ

• ᕿᔪᐃᑦ (ᐃᓪᓗᓕᐅᕈᑎᒥᓃᑦ ᓴᓂᖏᓪᓗ, ᐃᓕᔾᔨᕕᒥᓃᑦ, ᐊᓪᕋᒥᓃᑦ ᕿᔪᐃᑦ, ᐴᒥᓃᑦ ᕿᔪᐃᑦ, ᒪᑐᒥᓃᑦ, ᐊᓯᖏᓪᓗ)

• ᐅᐊᔭᒨᖅᑐᒥᓃᑦ (ᑎᕖᑦ, ᖃᕋᑕᐅᔭᒥᓃᑦ, ᐊᓯᖏᓪᓗ)

• ᐊᖏᕐᕋᓂ ᐅᓗᕆᐊᓇᖅᑐᑦ ᓴᓃᑦ

• ᓄᓇᒃᑰᔫᓄᑦ ᐃᓚᑦᓴᔭᒥᓃᑦ, ᐊᒻᒪ ᐃᑦᓯᕙᐅᑕᒥᓃᑦ

• ᐊᑦᓴᓗᐊᒥᓃᑦ

• ᓴᕕᕋᔭᐃᑦ

• ᐳᓪᓚᖃᕐᕕᒥᓃᑦ

• ᐃᔾᔪᐃᑦ ᐊᒻᒪ ᐅᔭᖅᑲᐃᑦ

• ᐆᒪᔪᖁᑎᓂᑦ ᖁᑦᑕᒥᓃᑦ

• ᑎᒋᖓᔪᑦ ᐃᑦᑎᕐᕕᐅᔭᒥᓃᑦ - ᐃᓚᒋᔭᐅᔪᓐᓇᕈᑎᒃ ᐊᖏᕐᕋᓂᑦ ᓴᓂᑐᐃᓐᓇᕐᓄᑦ ᓄᐊᑕᐅᕙᑦᑐᓄᑦ ᐅᕝᕙᓘᓐᓃᑦ ᐊᑦᓯᕕᒻᒨᕈᔾᔭᐅᔪᓐᓇᖅᑐᑦ.

ᐊᐱᖅᑯᑏᑦ ᐊᒻᒪ ᑭᐅᔾᔪᑎᖏᑦ

ᓱᓇᑦ ᐃᓚᒋᔭᐅᔪᓐᓇᖅᑲᑦ ᓴᓂᐸᐅᔭᐅᑎᓄᑦ? ᐊᖏᔫᑏᑦ ᐅᖁᒪᐃᓐᓂᕐᓴᐃᑦ 50 ᐸᐅᓐᔅᓂᑦ, ᐅᕝᕙᓘᓐᓃᑦ ᐊᖏᓗᐊᖅᐸᑕ ᓴᓂᒃᑯᕕᓐᓄᑦ ᕿᓪᓚᔪᑭᐊᓄᑦ ᕿᓂᖅᑕᓄᑦ.

 

ᓱᓇᑦ ᐃᓚᒋᔭᐅᔪᓐᓇᔾᔮᖏᓚᑦ ᓴᓂᐸᐅᔭᐅᑎᓄᑦ?  ᓴᕕᕋᐃᔭᐃᑦ ᓴᓃᑦ, ᓱᓇᒃᑯᑖᒥᓃᑦ ᐃᓪᓗᓂ, ᐅᐊᔭᒨᖅᑐᑦ, ᐊᒻᒪ ᐊᑦᓴᓗᐊᒥᓃᑦ.  ᑮᓇᐅᔭᓕᐅᖅᑎᓂᑦ ᓴᓃᑦ ᓄᐊᑕᐅᓛᖕᖏᑦᑐᑦ ᓇᔪᒐᖃᖅᑎᓂᑦ ᑭᓯᐊᓂ ᐱᔨᑦᓯᕋᖕᖑᓱᒻᒪᑕ.

 

ᖃᓄᐃᓪᓗᐊᕈᓐᓇᖅᐸᑦ?  ᐱᖓᓱᓂᑦ ᐊᖏᕐᕋᒥᑦ ᐊᑕᐅᓯᕐᒥᑦ ᓄᐊᑦᓯᔪᓐᓇᓛᖅᑐᑦ ᓴᓂᐸᐅᔭᓂᑦ ᐅᓪᓗᖓᓂ.  ᐊᓯᖏᑦ ᓄᐊᑕᐅᓛᖏᑦᑐᑦ.  ᓲᕐᓗ ᐃᒋᑕᐅᓯᒪᔪᑦ ᐃᒪᐃᑦᑑᔪᓐᓇᖅᑐᑦ ᐆᑦᑑᑎᒋᓗᒋᑦ ᐊᑕᐅᓯᖅ ᐊᓪᓕᓂᒥᓂᖅ, ᐊᑕᐅᓯᖅ ᐃᑦᓯᕙᐅᑕᑯᑖᒥᓂᖅ, ᐊᒻᒪ ᐊᑕᐅᓯᖅ ᓇᑎᒥᓃᑦ ᐃᒧᓯᒪᔪᑦ.

 

ᖃᖓᒃᑯᑦ ᐊᑐᐃᓐᓇᐅᒋᐊᖃᕋᔭᖅᐸᑦ ᓄᐊᑕᐅᓛᖅᑐᑦ?  ᒪᓕᓪᓗᒍ ᐅᓪᓗᕐᓯᐅᑎ, ᓴᓂᐸᐅᔭᓯ ᓴᓂᒃᑯᕕᑦᓯ ᓴᓂᐊᓅᕋᔭᖅᑲᓯ ᐅᓪᓛᒃᑯᑦ 8-ᒨᓚᐅᖏᓐᓂᖓᓂ. ᐳᐃᒍᖅᑕᐃᓕᓯᐅᒃ ᓅᑎᕆᐊᖏᑕ ᓴᓂᐅᖕᖏᑦᑐᑦ ᓴᓂᒃᑯᕖᑦ ᓴᓂᖏᓐᓂᑦ (ᓲᕐᓗ ᐸᐃᓯᑯᐃᑦ, ᐱᖕᖑᐊᑦ) ᐃᒋᑕᐅᑦᑕᖅᐱᐊᒻᒪᑕ ᐱᔮᖅᑯᑕᐅᖏᑦᑐᒥᑦ.

 

ᖃᓄᐃᓕᖓᒋᐊᖃᓛᕐᖓᑕ ᓴᓃ?  ᐊᔾᔨᒌᑦ ᓴᓃᑦ ᑲᑎᕐᓱᕐᓯᒪᑦᓯᐊᕐᓗᑎᒃ, ᖁᓕᕇᖏᓪᓗᑎᒃ.  ᓴᓂᑐᐃᓐᓇᐃᑦ ᓴᓂᐊᓃᒋᐊᖃᖕᖏᑦᑐᑦ, ᐊᒻᒪ ᐃᓚᓕᐅᔾᔭᐅᓯᒪᖕᖏᓪᓗᑎᒃ ᓴᓂᐸᐅᔭᐅᑎᓄᑦ.  ᐊᒻᒪᑦᑕᐅᖅ, ᐃᑉᐱᒋᓗᒍ ᐱᖓᓱᐃᓐᓇᐅᒋᐊᖃᕐᓂᖏᓐᓂᑦ ᓴᓂᐸᐅᔭᐅᑏᑦ ᐃᒋᑕᐅᓂᐊᖅᑐᑦ.

 

ᓇᒧᖕᖔᔭᐅᓛᕐᒪᑕ ᓴᓂᐸᐅᔭᐅᑏᑦ ᓄᐊᑕᐅᓚᐅᕐᓗᑎᒃ?  ᓄᐊᑕᐅᔪᑦ ᐊᑦᓯᕕᒻᒨᖅᑲᖅᑕᐅᓛᖅᑐᑦ.  ᓄᓇᓕᓐᓂᒥᐅᑕᐅᔪᑦ ᐃᑲᔪᕈᓐᓇᕐᒥᔪᑦ ᖃᓄᐃᓪᓗᐊᖅᑐᓂᑦ ᐃᒋᑦᓯᔪᓐᓇᕐᒪᖔᑕ ᐃᓱᒪᒋᐊᕐᓗᑎᒃ.  ᐃᓚᖏᑦ ᓂᐅᕕᐊᑦᓴᐅᔪᓐᓇᕐᒪᑕ, ᑕᐅᕐᓰᖃᑎᒋᒍᓐᓇᕐᒪᑕ, ᐅᕝᕙᓘᓐᓃᑦ ᐱᖃᕈᒪᔪᓄᑦ ᑐᓂᕐᕈᑎᐅᔪᓐᓇᕐᒪᑕ ᓱᕋᑦᓯᒪᖕᖏᑐᐊᕐᒪᑕ ᓱᓇᑐᐃᓐᓇᐃᑦ.

 

 

-30-

 

ᑐᑭᓯᒋᐊᒃᑲᓐᓂᕈᓐᓇᖅᑐᓯ ᖃᐅᔨᒋᐊᕐᓗᒍ:

ᐋᓐᑐᕆᐊ ᓯᐱᑦᔪᕐ

ᑐᓴᐅᒪᑎᑦᓯᓕᕆᓂᖅ

ᓄᓇᓕᐸᐅᔭᐃᑦ ᐃᖃᓗᐃᑦ

ᐅᖄᓚᐅᑎᖓ: 867.979.5607