ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᒥ ᓄᓇᖁᑎᑦᓴᓂᑦ ᓴᒃᑯᐃᓯᓂᖅ ᐊᒻᒪ ᐊᑎᕐᓂᒃ ᐊᒧᓯᖃᑦᑕᕐᓂᖅ

07/12/2018

ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᒥ ᓄᓇᖁᑎᑦᓴᓂᑦ ᓴᒃᑯᐃᓯᓂᖅ ᐊᒻᒪ ᐊᑎᕐᓂᒃ ᐊᒧᓯᖃᑦᑕᕐᓂᖅ 

ᑏᓰᐱᕆ 7, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ 25-ᓂᑦ ᐊᑐᐃᓐᓇᖅᑕᖃᓕᕐᒥᒻᒪᑦ ᓄᓇᖁᑎᑦᓴᓂᑦ ᓄᑖᒥ ᐃᓪᓗᖃᕐᕕᑦᓴᒥᑦ ᓴᓂᐊᓃᑦᑐᒥᑦ ᔫᒥ ᐃᓕᓐᓂᐊᕐᕕᐅᑉ ᓴᒃᑯᔭᐅᓛᖅᑐᓂᑦ ᐅᑯᐊ ᐱᓕᕆᔾᔪᑎᐅᓗᑎᒃ:

  • 19 ᓄᓇᖁᑎᑦᓴᑦ ᓴᒃᑯᔭᐅᓛᖅᑐᑦ ᐊᑎᕐᓂᒃ ᐊᒧᓯᖃᑦᑕᕐᓗᑎᒃ ᔮᓐᓄᐊᕆ 14-ᒥ, 2019, ᑲᑎᒪᔩᑦ ᑲᑎᒪᕕᖏᓐᓂ, ᐱᒋᐊᕐᓗᑎᒃ ᐅᓐᓄᒃᑯᑦ 6-ᒨᖅᐸᑦ;
  • 2 ᓄᓇᖁᑎᑦᓵᒃ ᐊᑐᐃᓐᓇᐅᓛᖅᑑᒃ ᐊᑭᑐᓗᐊᖏᑦᑐᓂᑦ ᐃᓪᓗᓕᐅᕐᕕᑦᓴᐅᓗᑎᒃ ᑐᑦᓯᕋᐅᑎᓕᐅᖁᔨᔾᔪᑎᒍᑦ (ᓇᓗᓇᐃᖅᑕᐅᓛᖅᑐᑦ ᖃᓄ ᐊᐅᓚᑕᐅᓛᕐᓂᖏᓐᓂᑦ);
  • 3 ᓄᓇᖁᑏᑦ ᓴᒃᑯᔭᐅᓛᖅᑐᑦ ᓄᓇᕗᑦᒥ ᐃᓪᓗᓕᕆᔨᕐᔪᐊᑯᓐᓄᑦ; ᐊᒻᒪ
  • I ᓄᓇᖁᑎ ᑐᓂᔭᐅᓛᖅᑐᖅ ᐃᓪᓗᓕᐅᖅᑎᓄᑦ ᐃᓅᖃᑎᒥᓂᒃ, ᒪᓕᑦᑕᐅᓗᑎᒃ ᐊᖏᖅᑕᐅᓯᒪᔪᑦ ᐱᓕᕆᔾᔪᑎᐅᒋᐊᓖᑦ.

ᐃᓚᒋᔭᐅᔪᒪᓛᖅᑐᑦ ᐊᑎᕐᓂᒃ ᐊᒧᓯᖃᑦᑕᓂᕐᒧᑦ, ᓄᓇᓕᕐᓂᒥᐅᑕᐃᑦ ᐱᔭᕇᕐᓯᒪᔪᒥᑦ ᑐᓂᓯᔭᕆᐊᓖᑦ ᑐᑦᓯᕋᐅᑎᒥᑦ, ᓇᓗᓇᐃᕐᓯᔾᔪᑎᖃᕐᓗᑎᒃ ᐊᑭᓖᓯᒪᓂᕐᒥᓂᒃ $300-ᓂᑦ ᐅᑎᖅᑎᒐᑦᓴᐅᖏᑦᑐᓂᑦ ᑐᑦᓯᕋᐅᑎᓕᐅᕈᑎᓂᑦ, ᐊᒻᒪ ᓱᓕᓂᕋᐃᔨᓪᓚᕆᒻᒧᑦ ᐊᑎᓕᐅᕐᓯᒪᔪᒥᑦ ᐱᓯᒪᒋᐊᓖᑦ ᓯᕗᓪᓕᖅᐹᒥ ᐊᖏᕐᕋᑖᕋᓱᑦᑐᑦ, ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᖅᑎᓄᑦ, ᐃᓪᓗᒦᑦᑐᓄᑦ 2425, ᐅᖓᑖᓂᐅᖕᖏᑦᑐᖅ ᓯᕿᖕᖑᔭᑎᒍᑦ ᐅᓐᓄᓴᒃᑯᑦ 5 ᔮᓐᓄᐊᕆ 7-ᒥ, 2019.

ᐅᑯᐊ ᑎᑎᕋᕐᕕᑦᓴᐃᑦ ᐊᒻᒪ ᑐᑭᓯᒋᐊᕈᑎᑦᓴᑦ, ᐊᒻᒪᑦᑕᐅᖅ ᑎᑎᕋᕐᓯᒪᔪᑦ ᐊᑐᐃᓐᓇᐅᓂᖏᓐᓂᑦ ᓄᓇᖁᑎᓂᑦ ᑕᑯᓂᐊᖅᑕᐅᔪᓐᓇᖅᑐᑦ ᓯᑎᒃᑯᑦ ᐃᑭᐊᖅᑭᕕᖓᓐᓂ, ᐊᒻᒪᑦᑕᐅᖅ ᓯᑎᒃᑯᑦ ᐊᓪᓚᕝᕕᖏᓐᓂ, ᐊᒻᒪ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᔨᒃᑯᑦ ᐃᖅᑲᓇᐃᔭᕐᕕᖏᓐᓂᑦ:

ᑭᓯᒋᐊᒃᑲᓐᓂᕐᕕᑦᓴᖅ ᓄᓇᖁᑎᑦᓴᓂᑦ ᓴᒃᑯᐃᓯᓂᕐᒥᑦ ᐅᐸᓗᖓᐃᔭᐅᑎᒥᑦ, ᖃᐅᔨᒋᐊᖁᔪᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᖅᑏᑦ ᐅᖄᓚᐅᑎᒃᑯᑦ ᐅᕗᖓ  979.5661.