ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᒥ ᓄᓇᖁᑎᑦᓴᓂᑦ ᓴᒃᑯᐃᓯᓂᖅ ᐊᒻᒪ ᐊᑎᕐᓂᒃ ᐊᒧᓯᖃᑦᑕᕐᓂᖅ
ᑏᓰᐱᕆ 7, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ 25-ᓂᑦ ᐊᑐᐃᓐᓇᖅᑕᖃᓕᕐᒥᒻᒪᑦ ᓄᓇᖁᑎᑦᓴᓂᑦ ᓄᑖᒥ ᐃᓪᓗᖃᕐᕕᑦᓴᒥᑦ ᓴᓂᐊᓃᑦᑐᒥᑦ ᔫᒥ ᐃᓕᓐᓂᐊᕐᕕᐅᑉ ᓴᒃᑯᔭᐅᓛᖅᑐᓂᑦ ᐅᑯᐊ ᐱᓕᕆᔾᔪᑎᐅᓗᑎᒃ:
- 19 ᓄᓇᖁᑎᑦᓴᑦ ᓴᒃᑯᔭᐅᓛᖅᑐᑦ ᐊᑎᕐᓂᒃ ᐊᒧᓯᖃᑦᑕᕐᓗᑎᒃ ᔮᓐᓄᐊᕆ 14-ᒥ, 2019, ᑲᑎᒪᔩᑦ ᑲᑎᒪᕕᖏᓐᓂ, ᐱᒋᐊᕐᓗᑎᒃ ᐅᓐᓄᒃᑯᑦ 6-ᒨᖅᐸᑦ;
- 2 ᓄᓇᖁᑎᑦᓵᒃ ᐊᑐᐃᓐᓇᐅᓛᖅᑑᒃ ᐊᑭᑐᓗᐊᖏᑦᑐᓂᑦ ᐃᓪᓗᓕᐅᕐᕕᑦᓴᐅᓗᑎᒃ ᑐᑦᓯᕋᐅᑎᓕᐅᖁᔨᔾᔪᑎᒍᑦ (ᓇᓗᓇᐃᖅᑕᐅᓛᖅᑐᑦ ᖃᓄ ᐊᐅᓚᑕᐅᓛᕐᓂᖏᓐᓂᑦ);
- 3 ᓄᓇᖁᑏᑦ ᓴᒃᑯᔭᐅᓛᖅᑐᑦ ᓄᓇᕗᑦᒥ ᐃᓪᓗᓕᕆᔨᕐᔪᐊᑯᓐᓄᑦ; ᐊᒻᒪ
- I ᓄᓇᖁᑎ ᑐᓂᔭᐅᓛᖅᑐᖅ ᐃᓪᓗᓕᐅᖅᑎᓄᑦ ᐃᓅᖃᑎᒥᓂᒃ, ᒪᓕᑦᑕᐅᓗᑎᒃ ᐊᖏᖅᑕᐅᓯᒪᔪᑦ ᐱᓕᕆᔾᔪᑎᐅᒋᐊᓖᑦ.
ᐃᓚᒋᔭᐅᔪᒪᓛᖅᑐᑦ ᐊᑎᕐᓂᒃ ᐊᒧᓯᖃᑦᑕᓂᕐᒧᑦ, ᓄᓇᓕᕐᓂᒥᐅᑕᐃᑦ ᐱᔭᕇᕐᓯᒪᔪᒥᑦ ᑐᓂᓯᔭᕆᐊᓖᑦ ᑐᑦᓯᕋᐅᑎᒥᑦ, ᓇᓗᓇᐃᕐᓯᔾᔪᑎᖃᕐᓗᑎᒃ ᐊᑭᓖᓯᒪᓂᕐᒥᓂᒃ $300-ᓂᑦ ᐅᑎᖅᑎᒐᑦᓴᐅᖏᑦᑐᓂᑦ ᑐᑦᓯᕋᐅᑎᓕᐅᕈᑎᓂᑦ, ᐊᒻᒪ ᓱᓕᓂᕋᐃᔨᓪᓚᕆᒻᒧᑦ ᐊᑎᓕᐅᕐᓯᒪᔪᒥᑦ ᐱᓯᒪᒋᐊᓖᑦ ᓯᕗᓪᓕᖅᐹᒥ ᐊᖏᕐᕋᑖᕋᓱᑦᑐᑦ, ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᖅᑎᓄᑦ, ᐃᓪᓗᒦᑦᑐᓄᑦ 2425, ᐅᖓᑖᓂᐅᖕᖏᑦᑐᖅ ᓯᕿᖕᖑᔭᑎᒍᑦ ᐅᓐᓄᓴᒃᑯᑦ 5 ᔮᓐᓄᐊᕆ 7-ᒥ, 2019.
ᐅᑯᐊ ᑎᑎᕋᕐᕕᑦᓴᐃᑦ ᐊᒻᒪ ᑐᑭᓯᒋᐊᕈᑎᑦᓴᑦ, ᐊᒻᒪᑦᑕᐅᖅ ᑎᑎᕋᕐᓯᒪᔪᑦ ᐊᑐᐃᓐᓇᐅᓂᖏᓐᓂᑦ ᓄᓇᖁᑎᓂᑦ ᑕᑯᓂᐊᖅᑕᐅᔪᓐᓇᖅᑐᑦ ᓯᑎᒃᑯᑦ ᐃᑭᐊᖅᑭᕕᖓᓐᓂ, ᐊᒻᒪᑦᑕᐅᖅ ᓯᑎᒃᑯᑦ ᐊᓪᓚᕝᕕᖏᓐᓂ, ᐊᒻᒪ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᔨᒃᑯᑦ ᐃᖅᑲᓇᐃᔭᕐᕕᖏᓐᓂᑦ:
- ᐊᑎᖃᕐᕕᓐᓄᑦ ᐃᑦᑎᕐᕕᐅᔭᐃᑦ ᐱᓪᓗᒋᑦ ᐱᓕᕆᔾᔪᑏᑦ
- ᐊᑎᕐᓂᒃ ᐊᒧᓯᖃᑦᑕᓂᕐᒥᑦ ᑐᑭᓯᒋᐊᕈᑏᑦ ᑎᑎᖅᑲᐃᑦ
- ᐃᖃᓗᓐᓂ ᓄᓇᑖᕋᓱᓐᓂᕐᒧᑦ ᑐᑦᓯᕋᐅᑎ
- ᑎᑎᖅᑲᖅ ᑭᒡᒐᖅᑐᐃᔨᖃᕐᓂᐊᕐᓗᓂ
- ᒪᓕᒐᑎᒍᑦ ᓇᓗᓇᐃᕐᓯᔾᔪᑎ
- R1-ᒥᑦ ᑭᓪᓕᓕᐅᕈᑎᓕᓐᓂᑦ ᓄᓇᖁᑎᓄᑦ ᐱᓕᕆᔾᔪᑏᑦ ᑎᑎᕋᕐᓯᒪᔪᑦ
- ᐊᑐᐃᓐᓇᐃᑦ ᓄᓇᖁᑏᑦ
ᑭᓯᒋᐊᒃᑲᓐᓂᕐᕕᑦᓴᖅ ᓄᓇᖁᑎᑦᓴᓂᑦ ᓴᒃᑯᐃᓯᓂᕐᒥᑦ ᐅᐸᓗᖓᐃᔭᐅᑎᒥᑦ, ᖃᐅᔨᒋᐊᖁᔪᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᖅᑏᑦ ᐅᖄᓚᐅᑎᒃᑯᑦ ᐅᕗᖓ 979.5661.