|
ᐃᖃᓗᐃᑦ ᒥᑦᓵᓄᑦ ᑐᑭᓯᒍᑎᑦ: ᐱᒋᐊᕐᖓᐅᑎᖓ
ᐃᖃᓗᐃᑦ, ᐃᓄᒃᑎᑐᑦ ᑐᑭᓕᒃ "ᓄᓇ ᐃᖃᓗᓕᐋᓗᒻᒥ," ᐃᖃᓗᐃᑦ ᑲᖏᖅᑑᒦᑦᑐᖅ ᐃᑎᕆᐊᕐᕕᐅᔪᒧᑦ ᐃᖃᓗᐃᑦ ᑰᖓᓄᑦ ᑰᖃᑦᑕᖅᑎᓪᓗᒍ ᑕᓯᐅᔭᕐᔪᐊᕐᒧᑦ ᐊᑎᖅᑖᖅᓯᒪᓂᑰᔪᒥᒃ ᓲ ᒫᕐᑎᓐ ᕘᐱᓱ, ᑯᐃᓐ ᓄᓇᖓᓐᓂᕐᒥᐅᑕᐅᓚᐅᖅᑐᖅ ᖃᐅᔨᒋᐊᕋᓱᐊᖅᓯᒪᔪᕕᓂᐅᓪᓗᓂ ᐅᑭᐅᖅᑕᖅᑐᒧᑦ ᐃᑎᕆᐊᕐᕕᖓᓂ. ᑕᐃᒪ ᖃᐅᔨᒐᓱᒋᓪᓗᓂᐅᒃ ᑖᓐᓇ ᐃᑎᕆᐊᕐᕕᒃ, ᕘᐱᓱ ᐅᑉᐱᕈᓱᓚᐅᖅᑐᖅ ᓇᓂᓯᒐᓱᒋᓪᓗᓂ ᒎᓗᒥ ᐊᖏᕐᕋᐅᑎᓪᓗᓂᐅᒃ ᑯᐃᓐ ᓄᓇᖓᓄᑦ. ᑕᒫᓂ 1955 ᐊᒻᒪᓗ 1987 ᓄᓇᓕᓐᖑᓚᐅᖅᑐᖅ ᐃᖃᓗᐃᑦ ᖃᐅᔨᒪᔭᐅᓪᓗᓂ ᕘᐱᓱ ᐸᐃᒥ.
ᐃᖃᓗᐃᑦ ᐱᒋᐊᕐᓂᕆᔭᖓ
1576 - ᓲᒫᕐᑎᓐ ᕘᐱᓱ ᐅᒥᐊᕐᔪᐊᒃᑯᑦ ᐃᑎᖅᑐᖅ ᑕᓯᐅᔭᕐᔪᐊᕐᒧᑦ, ᐅᑉᐱᕈᓱᒃᑐᓂ ᑖᓐᓇ ᑕᑭᔪᖅ ᑕᕆᐅᖑᓇᓱᒋᓪᓗᓂᐅᒃ ᐊᒻᒪᓗ ᐃᓱᒪᓪᓗᓂ ᖃᐅᔨᓇᓱᒋᓪᓗᓂ ᐊᖅᑯᑎᐅᒍᓐᓇᖅᑐᒥᒃ ᓴᐃᓇᒧᑦ.
1861 - ᓴᐅᓪᔅ ᕗᕌᓯᔅ ᕼᐋᓪ ᑎᑭᑉᐳᖅ ᕘᐱᓲᑉ "ᑕᕆᐅᑯᑖᖓᓄᑦ" ᑐᑭᓯᓕᖅᑐᓂ ᑭᖑᓂᐊᒍᑦ ᐆᒪᔪᕐᓂᐊᖅᑎᒥ ᐊᑎᖃᖅᑐᒥ ᑰᔾᔪᓯ ᑖᓐᓇ ᑕᓯᐅᔭᕐᔪᐊᖑᓂᖓᓄᑦ ᐊᒻᒪᓗ ᑖᓐᓇᐅᓐᖏᑦᓱᓂ ᐅᑭᐅᖅᑕᖅᑐᒧᑦ ᐃᑎᕆᐊᕐᕕᒃ. ᐃᖏᕐᕋᑎᓪᓗᒍ, ᕼᐋᓪ ᓯᓂᑦᑕᓚᐅᖅᑐᖅ ᑰᑉ ᓴᓂᐊᓂ ᒪᑐᐃᖅᐸᓪᓕᐊᔪᒧᑦ ᓯᕕᑭᑦᑐᒥ ᑲᖏᖅᓱᒧᑦ. ᑖᓐᓇ ᑰᒃ ᐊᑎᖅᑖᖅᑎᑉᐹ ᓯᐅᓪᕕᐊ ᒍᕆᓂᐊᓪᒥ ᐊᒻᒪᓗ ᑖᓐᓇ ᑲᖏᖅᓱᖅ ᐊᑎᖅᑖᖅᓱᓂᐅᒃ ᑰᔾᔪᓯᒥ, ᒪᓕᑦᑎᒋᓚᐅᖅᑕᖓᓂᑦ ᐊᒻᒪ ᓄᓇᓕᕆᔨᒋᓚᐅᖅᑕᖓᓂᑦ.
1800's - ᑮᓇᐅᔭᓕᐅᕋᓱᐊᕐᓂᕐᒧᑦ ᐊᕐᕕᓐᓂᐊᕆᐊᖅᑐᑦ ᑕᒪᐅᓐᖓᖅᑎᑦᑎᓪᓗᑎᒃ ᐊᖑᑎᓂ, ᐅᒥᐊᕐᔪᐊᓂ ᐊᒻᒪ ᑕᐅᖅᓰᒍᑎᑦᓴᐅᓂᐊᖅᑐᓂᒃ ᕘᐱᓱ ᐸᐃᒧᑦ.
1880 - ᑖᒃᑯᐊ ᑯᐃᓐ ᓄᓇᖓᓂᕐᒥᐅᑕᐃᑦ ᒐᕙᒪᖏᑦ ᑐᓂᓯᕗᑦ ᐊᐅᓚᑦᑎᒍᓐᓇᐅᑎᒥᒃ ᑖᔅᓱᒥᖓ ᐅᑭᐅᖅᑕᖅᑐᒥ ᑲᓇᑕᐅᑉ ᒐᕙᒪᒃᑯᖏᓐᓄᑦ.
Early 1900's - ᐊᕐᕕᓐᓂᐊᕐᓂᖅ ᓄᖅᑲᖅᑐᖅ, ᒥᖅᑯᓕᓐᓂᒃ ᑕᐅᖅᓰᕙᓪᓕᐊᓕᖅᓱᑎᒃ. ᑖᒃᑯᐊ ᐃᑦᓯᕋᕐᔪᐊᕐᒥᐅᑦ ᐊᒻᒪᓗ ᐋᖕᓕᑲᒃᑯᑦ ᑐᑦᓯᐊᕐᕕᖏᑦ ᐅᑭᐅᖅᑕᖅᑐᒧᐊᖅᐳᑦ.
1914 - ᓂᐅᕕᖅᑎᒃᑯᑦ ᒪᑐᐃᖅᓯᕗᑦ ᑕᐅᖅᓰᕕᒻᒥ ᐅᐊᑦ ᑲᖏᖅᓱᖓᓂ 40-ᓂ ᒪᐃᔪᓪᔅ ᐅᖓᓯᓐᓂᓕᒻᒥᑦ ᐃᖃᓗᐃᑦ ᓄᓇᒋᓕᖅᑕᖓᓄᑦ.
1920's - ᓂᐅᕕᖅᑎᒃᑯᑦ ᑕᐅᖅᓰᕕᓂ ᒪᑐᐃᖅᓯᕙᓪᓕᐊᕗᑦ ᕿᑭᖅᑖᓗᒻᒥ. ᐸᓖᓯᖃᕐᕕᓂ ᐱᕙᓪᓕᐊᑎᑦᑎᓚᐅᖅᑯᑦ ᑲᓇᖕᓇᕐᒥ ᖁᑦᑎᒃᑐᒥᓪᓗ ᑲᓇᑕᐅᑉ ᓇᓗᓇᐃᖅᓯᔪᑦ ᑲᓇᑕᒧᑦ ᓄᓇᒋᔭᐅᓂᖏᓐᓄᑦ.
1930's ᒥᖅᑯᓖᑦ ᐊᑭᖏᑦ ᑲᑕᑦᑐᑦ; ᐊᒥᓱᐃᑦ ᖃᓪᓗᓈᓃᑦᑐᑦ ᑕᐅᖅᓰᓕᕆᔩᑦ ᓄᖅᑲᐅᑎᖃᖅᑯᑦ. ᑕᒪᓐᓇᓗ ᐊᑦᓱᕈᖅᑎᑦᑎᒍᑕᐅᓚᐅᖅᑐᖅ ᐃᓄᓐᓂ ᐱᓪᓗᒍ ᐆᒪᔪᐃᑦ ᐅᖓᑖᓄᓗᐊᖅ ᐱᑕᖅᑕᐅᖃᑦᑕᓚᐅᕐᓂᖏᓐᓂᒃ ᐊᒻᒪᓗ ᖃᓪᓗᓈᑦ ᐱᖁᑎᖏᑦ ᐱᑕᖃᕈᓐᓃᖅᐸᓪᓕᐊᓪᓗᑎᒃ.
1942 - ᐊᒥᓕᑲᒃᑯᑦ ᐅᓇᓕᒃᓴᔭᖏᑦ ᓂᕈᐊᖅᓯᕗᑦ ᑰᔾᔪᓯᐅᑉ ᑲᖏᖅᓱᖓᓂ ᐃᓂᒋᔭᐅᓂᐊᕐᓂᖓᓄᑦ ᖃᖓᑕᓲᕆᔭᖏᓐᓂᒃ ᒥᑦᑕᕐᕕᐅᓂᕐᒧᑦ.
1943 - ᐊᒥᐊᓕᑲᐃᑦ ᒥᕝᕕᓕᐊᖓ ᐊᑐᖅᑕᐅᓕᓚᐅᖅᑐᖅ ᐊᒻᒪᓗ ᑖᒃᑯᐊ ᓂᐅᕕᖅᑎᒃᑯᑦ ᓅᑦᓯᕗᑦ ᑕᐅᖅᓰᕕᖓᓂ ᓂᐊᖁᓐᖒᒧᑦ, ᐱᔾᔪᑎᖃᖅᓱᑎᒃ ᐃᓚᐅᓂᖃᑦᑎᐊᕈᒪᓪᓗᑎᒃ ᐋᖅᑭᒋᐊᖅᓯᒪᔪᒥᒃ ᐅᓯᑲᖅᑕᐅᑎᓕᕆᓂᖓ ᑐᓴᐅᒪᖃᑦᑕᐅᑎᓕᕆᓂᖓᓂᓗ ᐊᑐᐃᓐᓇᐅᑦᑎᐊᓕᖅᑐᓄᑦ ᓴᖅᑭᑕᐅᔪᓄᑦ ᐅᓇᓕᒃᓴᓕᕆᔨᒃᑯᓐᓂᑦ, ᐊᒻᒪᓗ ᐱᔨᑦᑎᑦᑎᐊᒃᑲᓐᓂᕈᓪᓗᑎᒃ ᐃᓄᖕᓂ ᓅᖃᑦᑕᖅᑎᓪᓗᒋ ᐸᐅᖓᖅᐸᓯᖅ ᑕᓯᐅᔭᕐᔪᐊᕐᒥ.
1955-57 - ᑖᓐᓇ ᓄᑖᖅ ᓄᓇᓕᒃ ᕘᐱᓱ ᐸᐃ ᑐᓐᖓᕕᒋᔭᐅᓕᓚᐅᖅᑐᖅ ᑑᓚᐃᓐ ᓴᓇᔭᐅᕙᓪᓕᐊᓕᖅᑎᓪᓗᒋᑦ. ᑕᒪᓐᓇ ᐱᓕᕆᐊᖅ ᐊᖏᔫᑎᓪᓗᒍ ᑕᒪᐅᓐᖓᖅᑎᑦᑎᔪᖅ ᐱᖁᑎᓂᒃ ᐊᒥᓱᓂ ᐊᒻᒪᓗ ᐊᒥᓱᐊᓗᓐᓂ ᐊᖑᑎᓂ ᓄᓇᓕᒻᒧᑦ. 1957-ᖑᓕᖅᑎᓪᓗᒍ ᐃᓄᐃᑦ ᐅᓄᕐᓂᕆᔭᖏᑦ 1,200-ᖑᓚᐅᖅᑐᑦ, 489-ᖑᔪᑦ ᐃᓅᒻᒪᕆᐅᓪᓗᑎᒃ.
1959 - ᑲᓇᑕᐅᑉ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᑖᖅᐸᓪᓕᐊᔪᑦ ᓘᑖᓂ, ᐃᓕᓴᐃᔨᓂ, ᐊᐅᓚᑦᑎᔨᓂ, ᐊᒡᓚᒃᑎᓂ ᐊᒻᒪᓗ ᐊᖏᔪᖅᑲᐅᑎᓂ ᐃᑲᔪᖅᑎᐅᓂᐊᖅᑐᓂᒃ ᐱᕙᓪᓕᐊᖁᓪᓗᒍ ᓄᓇᓕᒃ. ᐃᓄᐃᑦ ᐊᒥᓱᐃᑦ ᓅᑉᐸᓪᓕᐊᔪᑦ ᕘᐱᓱ ᐸᐃᒧᑦ ᐊᒻᒪᓗ ᓄᓇᓕᒻᒧᑦ ᓂᐊᖁᕐᖒᑦ.
1960-63 - ᕘᐱᓱ ᐸᐃ ᑐᑦᑕᕝᕕᐅᕗᖅ ᐊᒥᐊᓕᒃᑲᒃᑯᑦ ᖃᖓᑕᓲᖅᑎᒋᔭᖏᓐᓂᒃ. 1963-ᖑᓕᖅᑎᓪᓗᒍ, ᑖᒃᑯᐊ ᐊᒥᐊᓕᑲᒃᑯᑦ ᐅᓇᓕᒃᓴᖏᑦ ᐊᐅᓪᓚᖅᑎᓪᓗᒋᑦ, ᕘᐱᓱ ᐸᐃ ᑲᓇᑕᐅᑉ ᒐᕙᒪᒃᑯᑦ ᐊᐅᓚᑦᑎᕕᑖᕆᓪᓗᓂᐅᒃ, ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐃᖏᕐᕋᔪᓕᕆᓂᕐᒥᓪᓗ ᐅᑭᐅᖅᑕᖅᑑᑉ ᑲᓇᖕᓇᖓᓄᑦ.
ᔪᓂ 1964 - ᓄᓇᓕᒻᒧᑦ ᑲᑎᒪᔨᒃᓴᐃᑦ ᐋᖅᑭᑦᓱᖅᑕᐅᕗᑦ.
1970 - ᕘᐱᓱ ᐸᐃ ᐃᓕᑕᕆᔭᐅᔾᔪᑎᑖᖅᑐᖅ ᓄᓇᓕᐅᓂᕐᒥ ᒐᕙᒪᕋᓛᖃᕐᓂᕐᒧᑦ.
1974 - ᕘᐱᓱ ᐸᐃ ᐃᓕᑕᕆᔭᐅᔾᔪᑎᑖᖅᑐᑦ ᓄᓇᓕᐅᓂᕐᒧᑦ ᖁᑦᑎᓂᖅᓴᒥ ᒐᕙᒪᕋᓛᖑᓂᕐᒧᑦ.
1976 - ᐃᓄᐃᑦ ᑕᐱᕆᒃᓴᑦ ᑲᓇᑕᒥ ᑐᒃᓯᕋᐅᑎᓕᐅᖅᑐᑦ ᐱᓐᖑᖅᑎᑦᑎᔪᓂᕐᒧᑦ ᓄᓇᕗᒥ.
1979 - ᕘᐱᓱ ᐸᐃ ᓯᕗᓪᓕᖅᐹᒥ ᒪᐃᔭᒥ ᓂᕈᐊᖅᓯᖅᐳᑦ.
1980 - ᕘᐱᓱ ᐸᐃ ᓇᓗᓇᐃᖅᑕᐅᕗᖅ ᓄᓇᓕᐅᕐᓂᕐᒥᒃ ᑕᐅᓐᖑᓂᕐᒧᑦ.
1987 - ᕘᐱᓱ ᐸᐃ ᐃᖃᓗᐃᓐᖑᖅᑎᑕᐅᕗᖅ, ᐊᑎᑐᖃᕆᓚᐅᖅᑕᒥᓂᒃ ᐊᑐᓕᖅᑎᑦᑎᓪᓗᑎᒃ.
ᒪᐃ 1993 - ᐊᑎᓕᐅᖅᑕᐅᓂᖓ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓂ ᐃᖃᓗᓐᓂ.
ᑎᓯᐱᕆ 1995 - ᐃᖃᓗᐃᑦ ᓂᕈᐊᖅᑕᐅᕗᖅ ᐊᖏᔪᖅᑳᖃᕐᕕᐅᓂᐊᖅᓱᓂ ᓄᓇᑖᖑᓵᖅᑐᒥ ᓄᓇᕗᒥ.
ᐄᐴᓪ 1, 1999 - ᑖᓐᓇ ᓄᑖᖑᔪᖅ ᓄᓇᕗᑦ ᐱᓐᖑᖅᑎᑕᐅᓪᓚᕆᖅᑐᖅ. ᑲᓇᑕᒥᑦ, ᑲᓇᑕᐅᑉ ᓯᓚᑖᓂᑦ ᓯᕗᓪᓕᖅᑎᐅᔪᑦ, ᐱᕙᓪᓕᐊᔪᓕᕆᔨᐅᔪᑦ ᐊᒻᒪᓗ ᐳᓛᕆᐊᖅᑐᑦ ᑲᑎᑦᑐᐋᓘᕗᑦ ᐃᖃᓗᓐᓄᑦ ᐊᑎᓕᐅᕆᓂᖅ ᐱᔾᔪᑎᒋᓪᓗᒍ ᐊᒻᒪᓗ ᖁᕕᐊᓲᑎᖃᖃᑕᐅᓂᕐᒥᒃ.
ᐄᐴᓪ 19, 2001 - ᐃᖃᓗᐃᑦ ᑐᓂᔭᐅᕗᖅ ᑎᓕᐅᕈᑎᒥᒃ ᐃᓕᑕᕆᔭᐅᔾᔪᑎᑖᕐᓂᖓᓄᑦ ᓄᓇᓕᐸᐅᔭᐅᓂᕐᒧᑦ.
| 
